Bakı, 28 iyul, ARHD.AZ

Prezident İlham Əliyev milli bayram münasibətilə Perunun dövlət başçısını təbrik edib

Prezident İlham Əliyev Peru Respublikasının milli bayramı – Müstəqillik Günü münasibətilə bu ölkənin dövlət başçısı xanım Dina Ersilia Boluarte Zeqarrayı və xalqını təbrik edib.

ARHD.AZ xəbər verir ki, təbrik məktubunda qeyd edilib: “İnanıram ki, Azərbaycan ilə Peru arasında münasibətlər xalqlarımızın iradəsinə uyğun olaraq bundan sonra da dostluq və əməkdaşlıq ruhunda inkişaf edəcək və genişlənəcəkdir”.

Dövlətimizin başçısı bu xoş gündə Dina Ersilia Boluarte Zeqarraya möhkəm cansağlığı, işlərində uğurlar, dost Peru xalqına daim əmin-amanlıq və rifah arzulayıb.