İstanbul, 24 iyun, ARHD.AZ

Türkiyə XİN: İsrail ilə İran arasında atəşkəs xəbərlərini məmnunluqla qarşılayırıq

İsrail ilə İran arasında atəşkəsin əldə olunması barədə xəbərləri məmnunluqla qarşılayırıq.

Bununla yanaşı, atəşkəsin pozulduğuna dair açıqlamaları da diqqətlə izləyirik. Tərəfləri qarşıdakı həssas dövrdə atəşkəsə tam şəkildə riayət etməyə çağırırıq.

ARHD.AZ xəbər verir ki, bu fikirlər Türkiyənin Xarici İşlər Nazirliyinin (XİN) mövzu ilə bağlı açıqlamasında yer alıb.

Bildirilib ki, Yaxın Şərqin sülhə və sabitliyə hər zamankından daha çox ehtiyac duyduğu bu dövrdə, hərtərəfli və davamlı bir həll yolunda qətiyyətli addımlar atılması zəruridir. Bu çərçivədə dialoq və diplomatiya kanallarının açıq saxlanmasının həyati əhəmiyyət daşıdığına inanırıq. Mövcud proses bir daha göstərdi ki, Yaxın Şərqdəki bir çox problemin əsasında duran Fələstin məsələsi tez bir zamanda həll edilməlidir.

Türkiyə bölgədə sülhün təmin olunması yönündə atılan bütün səyləri dəstəkləməyə və konstruktiv töhfə verməyə hazırdır.