Ceyhun Bayramov Koreyanın yeni səfirini Ermənistan konstitusiyasında Azərbaycana qarşı ərazi iddiaları barədə məlumatlandırıb
Xarici işlər naziri Ceyhun Bayramov Ermənistan konstitusiyasında Azərbaycana qarşı ərazi iddiaları barədə Koreyanın yeni təyin olunmuş səfiri Kimqu Kanqı məlumatlandırıb.
"ARHD.AZ" xəbər verir ki, bu barədə Azərbaycan Xarici İşlər Nazirliyindən bildirilib.
Görüş zamanı həmçinin keçmiş Ermənistan-Azərbaycan münaqişəsinin tarixçəsi, eləcə də postmünaqişə dövründə vəziyyət barədə qarşı tərəfə ətraflı məlumat verilib.
Azərbaycan tərəfinin təşəbbüsü ilə aparılan sülh prosesində Ermənistan konstitusiyasında ölkəyə qarşı ərazi iddiaları və Minsk Qrupunun ləğvi məsələsi kimi maneələr qeyd olunub.
Bununla yanaşı, işğaldan azad olunmuş ərazilər aparılan bərpa-yenidənqurma işləri və minasızlaşdırma fəaliyyəti barədə fikir mübadiləsi aparılıb.
