Ağdam, 15 iyul, ARHD.AZ
Ağdam, Füzuli və Xocavənd rayonlarında nə qədər ərazi minalardan təmizlənib?
Ağdam, Füzuli və Xocavənd rayonlarında ərazilərin minalardan və partlamamış hərbi sursatlardan təmizlənməsi işləri davam etdirilir.
ARHD.AZ-ın bölgə müxbiri xəbər verir ki, bunu Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov Ağdam şəhərində keçirilən “Konstitusiya və suverenlik: Hüquqi dövlətin təməli” mövzusunda regional konfransda deyib.
E.Hüseynov bildirib ki, Ağdam rayonunun 51,24 faizi minalardan təmizlənib, 37 min 779 ədəd mina və partlamamış hərbi sursat aşkar edilib. Füzuli rayonunun 67,76 faizi, Xocavənd rayonunun isə 7,56 faizi mina və partlamamış hərbi sursatlardan təmizlənib.
