Bakı, 20 iyun, ARHD.AZ
Azərbaycan və Özbəkistan arasında sənaye əməkdaşlığı proqramı hazırlanacaq
Azərbaycan və Özbəkistan 2025-2026-cı illər üçün sənaye əməkdaşlığı proqramı hazırlayacaq.
ARHD.AZ xəbər verir ki, bunu Özbəkistanın investisiya, sənaye və ticarət naziri, Hökumətlərarası Komissiyanın həmsədri Laziz Kudratov Bakıda keçirilən lll Azərbaycan-Özbəkistan Regionlararası Forumda çıxışı zamanı bildirib.
“Özbəkistan Azərbaycanda əlaqələrini fəal inkişaf etdirmək, Azərbaycanın biznes nümayəndələrini Özbəkistan iqtisadiyyatının təklif etdiyi imkanlarla tanış etmək üçün ticarət evlərini genişləndirmək niyyətindədir. Biz də Azərbaycan istehsalçılarının öz məhsullarını Özbəkistan bazarında təqdim və təşviq etmələri üçün imkanlar yaradacağıq”, - deyə Laziz Kudratov vurğulayıb.
