Azərbaycan Respublikasının Prezidenti cənab İlham Əliyevin təqdimatı və Milli Məclisin təsdiqi ilə Kamran Bayram oğlu Əliyevin yenidən Baş prokuror vəzifəsinə təyin olunması münasibətilə onu səmimi qəlbdən təbrik edirik. Bu təyinat, onun hüquq-mühafizə orqanlarında göstərdiyi peşəkarlıq, prinsipiallıq və ədalətə sadiqliyinin dövlət səviyyəsində yüksək qiymətləndirilməsinin bariz nümunəsidir.
Kamran Əliyev 18 noyabr 1965-ci ildə Balakən rayonunda anadan olmuşdur. 1987-ci ildə İrkutsk Dövlət Universitetinin hüquq fakültəsini bitirmiş, 1993-cü ildə hüquq üzrə fəlsəfə doktoru elmi dərəcəsini almışdır. Prokurorluq orqanlarında uzun illər çalışaraq müxtəlif vəzifələrdə fəaliyyət göstərmiş, 2007-ci ildə Baş prokuror yanında Korrupsiyaya qarşı Mübarizə Baş İdarəsinin rəisi təyin olunmuşdur. 2020-ci ilin may ayında isə Azərbaycan Respublikasının Baş prokuroru vəzifəsinə təyin edilmişdir.
Onun rəhbərliyi dövründə prokurorluq orqanlarında aparılan islahatlar, şəffaflığın artırılması və hüquq sisteminin təkmilləşdirilməsi istiqamətində atılan addımlar cəmiyyət tərəfindən rəğbətlə qarşılanmışdır. Xüsusilə, korrupsiyaya qarşı mübarizə sahəsində həyata keçirilən tədbirlər və beynəlxalq əməkdaşlığın gücləndirilməsi prokurorluq orqanlarının fəaliyyətində effektivliyin artmasına səbəb olmuşdur.
Kamran Əliyevin rəhbərliyi ilə prokurorluq orqanları beynəlxalq təşkilatlarla əməkdaşlığı genişləndirmiş, bir sıra beynəlxalq tədbirlərdə iştirak etmiş və təcrübə mübadiləsi aparmışdır. Bu, Azərbaycanın hüquq-mühafizə orqanlarının beynəlxalq aləmdə nüfuzunun artmasına və ölkəmizin hüquq sisteminin inkişafına töhfə vermişdir.
Kamran Əliyevin vəzifəyə yenidən təyin olunması münasibətilə onu və rəhbərlik etdiyi kollektivi səmimi qəlbdən təbrik edirik. Onun rəhbərliyi altında prokurorluq orqanlarının gələcək fəaliyyətində də uğurlar arzulayırıq.
Hörmətlə,
ARHD.AZ rəhbərliyi
