Bakı, 14 iyun, ARHD.AZ

İlin beş ayında pensiya ödənişlərinə 2 milyard 954 milyon manat vəsait yönəldilib

Bu ilin beş ayında pensiya ödənişlərinə ötən ilin müvafiq dövrünə nisbətən 10 faiz (261 milyon manat) çox olmaqla 2 milyard 954 milyon manat vəsait yönəldilib.

Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən ARHD.AZ-a verilən məlumata görə, ilin əvvəlindən bütün növ pensiyalar 8,1 faiz indeksləşdirilərək artırılıb, həmçinin fevralın 1-dən minimum pensiya 14,3 faiz artımla 280 manatdan 320 manata çatdırılıb.

Yanvar-may aylarında 21 min, elektron pensiya təyinatına başlandığı 2019-cu ilin əvvəlindən 159 min pensiya təyinatı e-sistem üzərindən proaktiv qaydada həyata keçirilib.