Azərbaycan Respublikasının Cinayət Məcəlləsində və Azərbaycan Respublikasının İnzibati Xətalar Məcəlləsində dəyişiklik edilməsi haqqında
Azərbaycan Respublikasının Qanunu
Azərbaycan Respublikasının Cinayət Məcəlləsində və Azərbaycan
Respublikasının İnzibati Xətalar Məcəlləsində dəyişiklik edilməsi haqqında
Azərbaycan Respublikasının Qanunu
Azərbaycan Respublikasının Milli Məclisi Azərbaycan Respublikası
Konstitusiyasının 94-cü maddəsinin I hissəsinin 17-ci bəndini rəhbər tutaraq
qərara alır:
Maddə 1. Azərbaycan Respublikasının Cinayət Məcəlləsində (Azərbaycan
Respublikasının Qanunvericilik Toplusu, 2000, № 4 (II kitab), maddə 251 (Cild I);
2024, № 1, maddələr 8, 18, № 3, maddə 250, № 7, maddə 772, № 11, maddə
1189) aşağıdakı dəyişikliklər edilsin:
1.1. 99-4.5-ci maddədə “200-1, 200-2” rəqəmləri “200 – 200-3” rəqəmləri ilə
əvəz edilsin;
1.2. 189-1.3-cü və 189-1.4-cü maddələrin dispozisiyasında “Təbii” sözü
“Ötürücü və ya paylayıcı sistem operatorunun, təbii” sözləri ilə əvəz edilsin;
1.3. 190-cı maddənin “Qeyd” hissəsinə “200-2.1,” rəqəmlərindən sonra
“200-3.1,” rəqəmləri, “200-2.3,” rəqəmlərindən sonra “200-3.2.3,” rəqəmləri əlavə
edilsin;
1.4. 200-cü maddənin “Qeyd” hissəsində “üç yüz manatdan yuxarı, lakin üç
min manatdan artıq olmayan məbləğ, “külli miqdar” dedikdə üç” sözləri “beş min
manatdan yuxarı, lakin otuz min manatdan artıq olmayan məbləğ, “külli miqdar”
dedikdə otuz” sözləri ilə əvəz edilsin;
1.5. 200-2-ci maddə üzrə:
1.5.1. adında, 200-2.1-ci və 200-2.2-ci maddələrin dispozisiyasında
“yeyinti” sözü “qida” sözü ilə əvəz edilsin;
1.5.2. aşağıdakı məzmunda “Qeyd” hissəsi əlavə edilsin:
“Qeyd: “Qida təhlükəsizliyi haqqında” Azərbaycan Respublikasının
Qanununa uyğun olaraq qeydiyyata alınan genetik modifikasiya olunmuş
orqanizmlərə bu maddənin qüvvəsi şamil edilmir.”;
1.6. aşağıdakı məzmunda 200-3-cü maddə əlavə edilsin:
“Maddə 200-3. Təhlükəli qida məhsullarının istehsalı, satışı və ya satış
məqsədilə saxlanması
200-3.1. Bilə-bilə insan həyatı və sağlamlığı üçün təhlükəli qida
məhsullarının istehsalı, satışı və ya satış məqsədilə saxlanması, bu əməllər xeyli
miqdarda törədildikdə –
iki ilədək müddətə müəyyən vəzifə tutma və ya müəyyən fəaliyyətlə məşğul
olma hüququndan məhrum edilməklə və ya edilməməklə on min manatdan on beş
min manatadək miqdarda cərimə və ya bir ilədək müddətə azadlığın
məhdudlaşdırılması və ya bir ilədək müddətə azadlıqdan məhrum etmə ilə
cəzalandırılır.
200-3.2. Eyni əməllər:
200-3.2.1. təkrar törədildikdə;
200-3.2.2. qabaqcadan əlbir olan bir qrup şəxs və ya mütəşəkkil dəstə
tərəfindən törədildikdə;
200-3.2.3. külli miqdarda törədildikdə –
2
üç ilədək müddətə müəyyən vəzifə tutma və ya müəyyən fəaliyyətlə məşğul
olma hüququndan məhrum edilməklə bir ildən üç ilədək müddətə azadlığın
məhdudlaşdırılması və ya bir ildən üç ilədək müddətə azadlıqdan məhrum etmə
ilə cəzalandırılır.
200-3.3. Bu Məcəllənin 200-3.1-ci və ya 200-3.2-ci maddələrində nəzərdə
tutulmuş əməllər ehtiyatsızlıqdan zərərçəkmiş şəxsin sağlamlığına az ağır və ya
ağır zərər vurulmasına səbəb olduqda –
üç ilədək müddətə müəyyən vəzifə tutma və ya müəyyən fəaliyyətlə məşğul
olma hüququndan məhrum edilməklə iki ildən dörd ilədək müddətə azadlıqdan
məhrum etmə ilə cəzalandırılır.
200-3.4. Bu Məcəllənin 200-3.1-ci və ya 200-3.2-ci maddələrində nəzərdə
tutulmuş əməllər ehtiyatsızlıqdan insan ölümünə və ya digər ağır nəticələrə səbəb
olduqda –
üç ilədək müddətə müəyyən vəzifə tutma və ya müəyyən fəaliyyətlə məşğul
olma hüququndan məhrum edilməklə dörd ildən yeddi ilədək müddətə azadlıqdan
məhrum etmə ilə cəzalandırılır.
200-3.5. Bu Məcəllənin 200-3.1-ci və ya 200-3.2-ci maddələrində nəzərdə
tutulmuş əməllər ehtiyatsızlıqdan iki və daha çox şəxsin ölümünə səbəb
olduqda –
üç ilədək müddətə müəyyən vəzifə tutmaq və ya müəyyən fəaliyyətlə məşğul
olmaq hüququndan məhrum edilməklə beş ildən on ilədək müddətə azadlıqdan
məhrum etmə ilə cəzalandırılır.”.
Maddə 2. Azərbaycan Respublikasının İnzibati Xətalar Məcəlləsində
(Azərbaycan Respublikasının Qanunvericilik Toplusu, 2016, № 2 (I kitab), maddə
202 (Cild I); 2024, № 1, maddə 18, № 2, maddə 135, № 4, maddə 362, № 5
(I kitab), maddələr 487, 489, 492, 503, № 7, maddələr 750, 768, 771, 772;
Azərbaycan Respublikasının 2024-cü il 22 oktyabr tarixli 56-VIIQD nömrəli
Qanunu) aşağıdakı dəyişikliklər edilsin:
2.1. 16.2-ci maddədə “yetkinlik yaşına çatmayanların işləri və” sözləri
“uşaq” sözü ilə, “Yetkinlik yaşına çatmayanların işləri və” sözləri “Uşaq” sözü ilə
əvəz edilsin və həmin maddəyə aşağıdakı məzmunda ikinci cümlə əlavə edilsin:
“Müvafiq dövlət orqanları həmin inzibati xətalar haqqında işləri inzibati
xətanın aşkar edildiyi vaxtdan 2 iş günü müddətində uşaq hüquqlarının müdafiəsi
üzrə komissiyalara göndərirlər.”;
2.2. 38.4-cü maddədə “yetkinlik yaşına çatmayanların işləri və” sözləri
“uşaq” sözü ilə, “Yetkinlik yaşına çatmayanların işləri və” sözləri “Uşaq” sözü ilə
əvəz edilsin;
2.3. 40.0.2-ci və 114.2.4-cü maddələrdə “yetkinlik yaşına çatmayanların
işləri və” sözləri “uşaq” sözü ilə əvəz edilsin;
2.4. 41-ci maddə üzrə:
2.4.1. adında “Yetkinlik yaşına çatmayanların işləri və” sözləri “Uşaq” sözü
ilə əvəz edilsin;
2.4.2. mətnində “yetkinlik yaşına çatmayanların işləri və” sözləri “uşaq” sözü
ilə, “Yetkinlik yaşına çatmayanların işləri və” sözləri “Uşaq” sözü ilə əvəz edilsin;
2.5. 43.1-ci maddədən “394-1,” rəqəmləri çıxarılsın və həmin maddəyə
“602-3,” rəqəmlərindən sonra “602-4,” rəqəmləri əlavə edilsin;
3
2.6. 81-1.1-ci, 127-3-cü maddələrdən və 127-4.1-ci maddənin birinci
cümləsindən “, 540.1-ci” sözləri çıxarılsın;
2.7. 102.1-ci maddəyə “mühafizəsi,” sözündən sonra “qida təhlükəsizliyi,”
sözləri əlavə edilsin və həmin maddədə “və 602-3-cü” sözləri “, 602-3-cü və
602-4-cü” sözləri ilə əvəz edilsin;
2.8. 116.1-ci maddəyə “209,” rəqəmlərindən sonra “220.1, 220.2,” rəqəmləri
əlavə edilsin;
2.9. 192.7-ci maddənin dispozisiyasında “İşəgötürən” sözü “Azərbaycan
Respublikasının Əmək Məcəlləsində nəzərdə tutulmuş hallarda işəgötürən” sözləri
ilə əvəz edilsin;
2.10. 220-ci maddə aşağıdakı redaksiyada verilsin:
“Maddə 220. Qida təhlükəsizliyi haqqında qanunvericiliyin pozulması
220.1. “Qida təhlükəsizliyi haqqında” Azərbaycan Respublikasının
Qanununda nəzərdə tutulan qida zənciri obyektlərinin təsdiq olunmadan qida
sahəsində fəaliyyət göstərməsinə görə –
fiziki şəxslər iki yüz manatdan üç yüz manatadək məbləğdə, vəzifəli şəxslər
səkkiz yüz manatdan min manatadək məbləğdə, hüquqi şəxslər iki min manatdan
iki min beş yüz manatadək məbləğdə cərimə edilir.
220.2. “Qida təhlükəsizliyi haqqında” Azərbaycan Respublikasının
Qanununda nəzərdə tutulan qida zənciri obyektlərinin və subyektlərinin, habelə
qida məhsulları ilə təmasda olan material və məmulatların istehsalı və emalını
həyata keçirən obyektlərin qeydiyyata alınmadan qida sahəsində fəaliyyət
göstərməsinə görə –
fiziki şəxslər iki yüz manatdan üç yüz manatadək məbləğdə, vəzifəli şəxslər
səkkiz yüz manatdan min manatadək məbləğdə, hüquqi şəxslər iki min manatdan
iki min beş yüz manatadək məbləğdə cərimə edilir.
220.3. Qida zənciri subyektləri tərəfindən qida və (və ya) yem məhsullarının
ilkin istehsalı, istehsalı, emalı, dövriyyəsi, utilizasiyası və məhv edilməsi
proseslərinin həyata keçirilməsi zamanı “Qida təhlükəsizliyi haqqında” Azərbaycan
Respublikasının Qanununa uyğun olaraq müəyyən edilmiş tələblərə əməl
edilməməsinə görə –
fiziki şəxslər yüz manatdan yüz əlli manatadək məbləğdə, vəzifəli şəxslər
dörd yüz manatdan altı yüz manatadək məbləğdə, hüquqi şəxslər min manatdan
min beş yüz manatadək məbləğdə cərimə edilir.
220.4. “Qida təhlükəsizliyi haqqında” Azərbaycan Respublikasının
Qanununa uyğun olaraq qeydiyyatı tələb olunan, lakin qeydiyyatdan keçməmiş
məhsulların istehsalına, emalına, satış məqsədilə saxlanmasına, satışına və ya
başqa cür özgəninkiləşdirilməsinə görə –
fiziki şəxslər iki yüz manatdan üç yüz manatadək məbləğdə, vəzifəli şəxslər
səkkiz yüz manatdan min manatadək məbləğdə, hüquqi şəxslər iki min manatdan
iki min beş yüz manatadək məbləğdə cərimə edilir.
220.5. Qida məhsullarının ilkin istehsalı, istehsalı, emalı, dövriyyəsi və
utilizasiyası proseslərinə ilkin və dövri tibbi müayinələrdən keçməmiş, yaxud
müxtəlif yoluxucu xəstəliklərin daşıyıcıları olan və ya infeksion xəstəliklərə
yoluxmuş əməkdaşların buraxılmasına görə –
4
fiziki şəxslər iki yüz manatdan üç yüz manatadək məbləğdə, vəzifəli şəxslər
səkkiz yüz manatdan min manatadək məbləğdə, hüquqi şəxslər min beş yüz
manatdan iki min manatadək məbləğdə cərimə edilir.
220.6. İdxal olunmuş məhsulların idxal sağlamlıq aktı olmadan satış
məqsədilə saxlanmasına, satışına və ya başqa cür özgəninkiləşdirilməsinə görə –
fiziki şəxslər üç yüz əlli manatdan beş yüz manatadək məbləğdə, vəzifəli
şəxslər min beş yüz manatdan iki min manatadək məbləğdə, hüquqi şəxslər üç
min manatdan beş min manatadək məbləğdə cərimə edilir.
220.7. Siyahısı müvafiq icra hakimiyyəti orqanının müəyyən etdiyi orqan
(qurum) tərəfindən müəyyən edilən yem üçün istifadəsi nəzərdə tutulan genetik
modifikasiya olunmuş orqanizmlərin, habelə yalnız genetik modifikasiya olunmuş
orqanizmlərdən ibarət olan və ya tərkibində genetik modifikasiya olunmuş
orqanizmlər olan və ya tərkibində genetik modifikasiya olunmuş orqanizmlərdən
əldə edilmiş məhsul olan yem məhsullarının ilkin istehsalına görə –
fiziki şəxslər iki yüz manatdan üç yüz manatadək məbləğdə, vəzifəli şəxslər
səkkiz yüz manatdan min manatadək məbləğdə, hüquqi şəxslər iki min manatdan
iki min beş yüz manatadək məbləğdə cərimə edilir.
220.8. “Qida təhlükəsizliyi haqqında” Azərbaycan Respublikasının
Qanununa uyğun olaraq müəyyən edilmiş tələblərə cavab verməyən qida və yem
məhsullarının, habelə qida məhsulları ilə təmasda olan material və məmulatların
istehsalına, emalına, satış məqsədilə saxlanmasına, satışına və ya başqa cür
özgəninkiləşdirilməsinə görə –
fiziki şəxslər yüz əlli manatdan iki yüz manatadək məbləğdə, vəzifəli şəxslər
altı yüz manatdan səkkiz yüz manatadək məbləğdə, hüquqi şəxslər min beş yüz
manatdan iki min manatadək məbləğdə cərimə edilir.
220.9. Təhlükəli qida və yem məhsullarının ilkin istehsalına, istehsalına,
emalına, satış məqsədilə saxlanmasına, satışına və ya başqa cür
özgəninkiləşdirilməsinə görə –
fiziki şəxslər üç yüz əlli manatdan beş yüz manatadək məbləğdə, vəzifəli
şəxslər min beş yüz manatdan iki min manatadək məbləğdə, hüquqi şəxslər dörd
min manatdan altı min manatadək məbləğdə cərimə edilir.
220.10. Qida və yem məhsulları, habelə qida məhsulları ilə təmasda olan
material və məmulatlar Azərbaycan Respublikasının gömrük ərazisinə
gətirilməzdən əvvəl müvafiq icra hakimiyyəti orqanının müəyyən etdiyi orqan
(qurum) tərəfindən təsdiq edilmiş formada müvafiq icra hakimiyyəti orqanının
müəyyən etdiyi orqana (quruma) elektron qaydada bildirişin göndərilməməsinə
görə –
vəzifəli şəxslər səkkiz yüz manat məbləğində, hüquqi şəxslər min beş yüz
manat məbləğində cərimə edilir.”;
2.11. 221-ci maddə üzrə:
2.11.1. aşağıdakı məzmunda 221.1-1-ci və 221.3-1-ci maddələr əlavə
edilsin:
“221.1-1. Tibb müəssisələri üçün qablaşdırılmış dərman vasitələrinin
pərakəndə satışına görə –
inzibati xətanın bilavasitə obyekti olan dərman vasitələri müsadirə
edilməklə vəzifəli şəxslər min beş yüz manatdan iki min manatadək məbləğdə,
hüquqi şəxslər beş min manatdan yeddi min manatadək məbləğdə cərimə edilir.”;
5
“221.3-1. Bu Məcəllənin 221.1-ci maddəsində nəzərdə tutulmuş inzibati xəta
nəticəsində ehtiyatsızlıqdan zərərçəkmiş şəxsin sağlamlığına yüngül zərərin
vurulmasına görə –
inzibati xətanın bilavasitə obyekti olan dərman vasitələri müsadirə edilməklə
vəzifəli şəxslər iki min manatdan iki min beş yüz manatadək məbləğdə, hüquqi
şəxslər yeddi min manatdan doqquz min manatadək məbləğdə cərimə edilir.”;
2.11.2. 221.3-cü maddənin dispozisiyasında “fərqli” sözü “yuxarı” sözü ilə
əvəz edilsin;
2.11.3. 221.4-cü maddə üzrə:
2.11.3.1. dispozisiyada “maddəsində nəzərdə tutulmuş xətanın” sözləri
“, 221.1-1-ci və 221.3-1-ci maddələrində nəzərdə tutulmuş xətaların” sözləri ilə
əvəz edilsin;
2.11.3.2. sanksiyada “manatdan iki min beş yüz” sözləri “beş yüz manatdan
üç min” sözləri ilə, “yeddi min manatdan doqquz” sözləri “doqquz min manatdan
on bir” sözləri ilə əvəz edilsin;
2.11.4. 221.8-ci maddənin dispozisiyasında “dərman vasitəsi deyildir”
sözləri “DƏRMAN VASİTƏSİ DEYİLDİR” sözləri ilə, “fəallığa malik qida
əlavələrinin” sözləri “aktiv qida məhsullarının” sözləri ilə əvəz edilsin;
2.11.5. 221.9-cu maddə üzrə:
2.11.5.1. dispozisiyada “fəallığa malik qida əlavələrinin həkim reseptinə”
sözləri “aktiv qida məhsullarının reseptə” sözləri ilə əvəz edilsin;
2.11.5.2. sanksiyada “əlli manatdan yüz” sözləri “yüz manatdan yüz əlli”
sözləri ilə, “yüz əlli manatdan iki” sözləri “üç yüz manatdan dörd” sözləri ilə əvəz
edilsin;
2.11.6. aşağıdakı məzmunda 221.12 – 221.14-cü maddələr əlavə edilsin:
“221.12. “Dərman vasitələri haqqında” Azərbaycan Respublikasının
Qanununda nəzərdə tutulan hal istisna olmaqla, dərman vasitələrinin dövlət
reyestrinə daxil edilməyən dərman vasitəsinin reseptə yazılmasına görə –
vəzifəli şəxslər yüz manatdan yüz əlli manatadək məbləğdə, hüquqi şəxslər
üç yüz manatdan dörd yüz manatadək məbləğdə cərimə edilir.
221.13. Dərman vasitəsinin Azərbaycan dilində olan istifadə təlimatı
qablaşdırmanın içərisində və ya qablaşdırmanın yanında dərman vasitəsini
müşayiət etmədiyi təqdirdə, həmin dərman vasitəsinin dövlət qeydiyyatı
haqqında vəsiqənin sahibi tərəfindən aptek təşkilatının Azərbaycan dilində olan
istifadə təlimatı ilə təmin edilməməsinə görə –
vəzifəli şəxslər min beş yüz manatdan iki min manatadək məbləğdə, hüquqi
şəxslər beş min manatdan yeddi min manatadək məbləğdə cərimə edilir.
221.14. Dərman vasitəsinin Azərbaycan dilində olan istifadə təlimatı
qablaşdırmanın içərisində və ya qablaşdırmanın yanında dərman vasitəsini
müşayiət etmədiyi təqdirdə, istehlakçının tələbi əsasında aptek təşkilatı
tərəfindən kağız formasında çap edilərək ona təqdim edilməməsinə görə –
əlli manat məbləğində cərimə edilir.”;
2.12. 280-ci maddənin dispozisiyasında “Enerji” sözü “Ötürücü və ya
paylayıcı sistem operatorunun, enerji” sözləri ilə əvəz edilsin;
2.13. 286.2-ci maddənin dispozisiyasında “Elmi” sözü “Qida təhlükəsizliyi
haqqında” Azərbaycan Respublikasının Qanununa uyğun olaraq qeydiyyata
alınan genetik modifikasiya olunmuş orqanizmlər, habelə elmi” sözləri ilə əvəz
edilsin;
6
2.14. aşağıdakı məzmunda 352-1-ci maddə əlavə edilsin:
“Maddə 352-1. Ödənişli avtomagistrallardan istifadə qaydalarının
pozulması
352-1.1. Ödəniş məntəqələrindən keçmədən kənar yollardan (yerlərdən)
istifadə etməklə, habelə ödənişsiz gediş hüququna malik istifadəçilər üçün
müəyyən edilmiş xidməti keçid zolağından belə hüququ olmayan istifadəçilər
tərəfindən ödənişli avtomagistrallara daxil olmağa və ya oradan çıxmağa görə –
yüz əlli manat məbləğində cərimə edilir.
352-1.2. Buraxılış məntəqələrinin normal işinə mane olmağa, o cümlədən
buraxılış məntəqələrində nəqliyyat vasitələrinin keçidini bağlamağa, gediş üçün
maneəni özbaşına götürməyə (şlaqbaumu açmağa) görə –
iki yüz manat məbləğində cərimə edilir.”;
2.15. 394-1-ci maddə ləğv edilsin;
2.16. 428.4-cü maddənin dispozisiyasında “Həkim resepti” sözləri
“Resept” sözü ilə, “fəallığa malik qida əlavələrinin dərman vasitəsi olmadığı,
həkim resepti” sözləri “aktiv qida məhsullarının dərman vasitəsi olmadığı və
müalicəvi xüsusiyyətlərə malik olmadığı haqqında məlumat verilmədən, “Qida
təhlükəsizliyi haqqında” Azərbaycan Respublikasının Qanununa uyğun olaraq
qeydiyyata alınmasını təsdiq edən qeydiyyat nömrəsi göstərilmədən, resept”
sözləri ilə əvəz edilsin;
2.17. aşağıdakı məzmunda 428-1.6-cı maddə əlavə edilsin:
“428-1.6. Turizm və rekreasiya zonalarının ərazisində “Turizm haqqında”
Azərbaycan Respublikasının Qanunu ilə qadağan edilmiş fəaliyyətlə məşğul
olmağa görə –
fiziki şəxslər dörd yüz manatdan altı yüz manatadək məbləğdə, vəzifəli
şəxslər iki min manatdan iki min beş yüz manatadək məbləğdə, hüquqi şəxslər üç
min manatdan dörd min manatadək məbləğdə cərimə edilir.”;
2.18. 447-ci maddə üzrə:
2.18.1. 447.0.3-cü maddəyə “göstərilməsinə” sözündən sonra “(bu
Məcəllənin 220.3-cü, 220.8-ci və 220.9-cu maddələrində nəzərdə tutulmuş hallar
istisna olmaqla)” sözləri əlavə edilsin;
2.18.2. 447.0.5-ci maddəyə “görülməsinə” sözündən sonra “(bu Məcəllənin
220.9-cu maddəsində nəzərdə tutulmuş hallar istisna olmaqla)” sözləri əlavə
edilsin;
2.18.3. “Qeyd” hissəsində “üç yüz” sözləri “beş min” sözləri ilə əvəz edilsin;
2.19. 449-cu maddə üzrə:
2.19.1. adında, dispozisiyada və sanksiyada “yeyinti” sözü “qida” sözü ilə
əvəz edilsin;
2.19.2. “Qeyd” hissəsinin mətni 1-ci bənd hesab edilsin və həmin hissəyə
aşağıdakı məzmunda 2-ci bənd əlavə edilsin:
“2. “Qida təhlükəsizliyi haqqında” Azərbaycan Respublikasının Qanununa
uyğun olaraq qeydiyyata alınan genetik modifikasiya olunmuş orqanizmlərə bu
maddənin qüvvəsi şamil edilmir.”;
2.20. 452-ci maddə üzrə:
2.20.1. 452.2-ci maddənin dispozisiyasına “ləvazimatları,” sözündən
sonra “pərakəndə satış üçün nəzərdə tutulan əczaçılıq məhsulları (pambıq,
tənzif, bint, sarğı materialları, leykoplastrlar və digər analoji məmulatlar),” sözləri
7
əlavə edilsin və həmin maddənin dispozisiyasında “uşaq yeməkləri, müalicəvi
mineral sular, bioloji fəallığa malik qida əlavələri” sözləri “xüsusi təyinatlı qida
məhsulları, təbii mineral sular, bioloji aktiv qida məhsulları” sözləri ilə əvəz edilsin;
2.20.2. aşağıdakı məzmunda 452.2-1-ci maddə əlavə edilsin:
“452.2-1. Reseptə yazılmış təsiredici maddə üzrə aptek təşkilatında
mövcud olan dərman vasitələri və onların qiymətləri barədə aptek təşkilatının
satıcısı tərəfindən istehlakçıya məlumat verilməməsinə görə –
iki yüz manat məbləğində cərimə edilir.”;
2.21. 453-cü maddənin dispozisiyasında “ərzaq malları barəsində isə həm
də tərkibi, yararlılıq müddəti, kaloriliyi, sağlamlıq üçün zərərli maddələrin normativ
sənədlərin tələbləri ilə müqayisəli miqdarı” sözləri “qida məhsulları barəsində isə
həm də qida və enerji dəyəri, tərkibi, miqdarı, keyfiyyət göstəriciləri, istehsal tarixi,
yararlılıq müddəti, tərkibindəki allergenlər, mənşəyi” sözləri ilə əvəz edilsin;
2.22. 455-ci maddənin adında, 455.1-ci və 455.2-ci maddələrin
dispozisiyasında “yeyinti” sözü “qida” sözü ilə əvəz edilsin;
2.23. aşağıdakı məzmunda 455-1-ci maddə əlavə edilsin:
“Maddə 455-1. Alkoqollu içkilərin müəyyən edilmiş minimum
qiymətdən aşağı qiymətə satılması
Pərakəndə satışının minimum qiyməti müəyyən edilmiş alkoqollu içkilərin
həmin qiymətdən aşağı qiymətə satılmasına görə –
fiziki şəxslər yüz manat məbləğində, vəzifəli şəxslər səkkiz yüz manat
məbləğində, hüquqi şəxslər iki min manat məbləğində cərimə edilir.”;
2.24. 539-cu maddənin “Qeyd” hissəsi və 540.1-ci maddə ləğv edilsin;
2.25. 544-cü maddə üzrə:
2.25.1. adı aşağıdakı redaksiyada verilsin:
“Maddə 544. İstehlakçıların hüquqlarının müdafiəsi və ya qida
təhlükəsizliyi sahəsində dövlət nəzarətini həyata keçirən müvafiq icra
hakimiyyəti orqanının fəaliyyətinə mane olma”;
2.25.2. 544.1-ci maddənin dispozisiyasında “müdafiəsini” sözü “müdafiəsi
və ya qida təhlükəsizliyi sahəsində dövlət nəzarətini” sözləri ilə və “orqanının
vəzifəli şəxsləri” sözləri “orqanı” sözü ilə əvəz edilsin;
2.25.3. 544.2-ci maddənin dispozisiyasında “istehlakçıların hüquqlarının
müdafiəsini həyata keçirən müvafiq icra hakimiyyəti orqanının vəzifəli şəxslərinin”
sözləri “, yaxud qida təhlükəsizliyi sahəsində dövlət nəzarətinin həyata keçirilməsi
çərçivəsində müvafiq icra hakimiyyəti orqanının” sözləri ilə əvəz edilsin və həmin
maddənin dispozisiyasına “tələblərini” sözündən sonra “(qərarlarını)” sözü əlavə
edilsin;
2.26. 549.2-ci maddənin dispozisiyası aşağıdakı redaksiyada verilsin:
“549.2. Bələdiyyə qərarlarının qəbul edildiyi vaxtdan 3 iş günü ərzində
onların surətinin bələdiyyələrin fəaliyyətinə inzibati nəzarəti həyata keçirən orqanın
informasiya sistemində yerləşdirilməməsinə görə –”;
2.27. 578.6-cı maddənin dispozisiyasından “və ya iş icazəsi itirildikdə,”
sözləri çıxarılsın və həmin maddənin dispozisiyasında “belə icazənin” sözləri “iş
icazəsinin” sözləri ilə əvəz edilsin;
2.28. aşağıdakı məzmunda 598.8-1-ci və 602-4-cü maddələr əlavə edilsin:
“598.8-1. Qeyri-hökumət təşkilatları, o cümlədən xarici qeyri-hökumət
təşkilatlarının Azərbaycan Respublikasındakı filial və nümayəndəlikləri tərəfindən
8
qrant və ianələr, həmçinin onlardan istifadə üzrə təfsilatlı illik maliyyə hesabatının
“Cinayət yolu ilə əldə edilmiş əmlakın leqallaşdırılmasına və terrorçuluğun
maliyyələşdirilməsinə qarşı mübarizə haqqında” Azərbaycan Respublikasının
Qanununa əsasən müəyyən edilən nəzarət orqanına təqdim edilməməsinə, yaxud
vaxtında, tam və ya düzgün təqdim edilməməsinə görə –
vəzifəli şəxslər min manatdan min beş yüz manatadək məbləğdə, hüquqi
şəxslər iki min beş yüz manatdan üç min manatadək məbləğdə cərimə edilir.”;
“Maddə 602-4. Kosmik fəaliyyət haqqında qanunvericiliyin pozulması
602-4.1. Kosmik fəaliyyət haqqında qanunvericiliyin pozulmasına, yəni:
602-4.1.1. Azərbaycan Respublikasının vətəndaşı və ya hüquqi şəxsi
Azərbaycan Respublikasından kənarda kosmik obyekt üzərində əmlak hüququnu
əldə edənədək bu barədə milli kosmik operatora əvvəlcədən yazılı məlumat
verməməsinə;
602-4.1.2. Azərbaycan Respublikasının kosmik obyektlərinin dövlət
reyestrində qeydiyyata alınmış kosmik obyektin mülkiyyətçisinin kosmik obyektin
istismardan çıxarılması barədə dərhal milli kosmik operatora yazılı məlumat
verməməsinə;
602-4.1.3. Azərbaycan Respublikasından kənarda kosmik obyektin
istehsalını sifariş etmiş Azərbaycan Respublikasının vətəndaşı və ya hüquqi şəxsi
sifariş verdiyi andan 30 (otuz) gün müddətində bu barədə milli kosmik operatora
yazılı məlumat verməməsinə görə –
fiziki şəxslər min beş yüz manatdan iki min manatadək məbləğdə, vəzifəli
şəxslər iki min beş yüz manatdan üç min manatadək məbləğdə, hüquqi şəxslər
dörd min manatdan beş min manatadək məbləğdə cərimə edilir.”.
Maddə 3. Bu Qanunun 1.1-ci, 1.3 – 1.6-cı, 2.7-ci (qida təhlükəsizliyi
sahəsinə münasibətdə), 2.8-ci, 2.10-cu, 2.13-cü, 2.18-ci, 2.19-cu, 2.21-ci, 2.22-ci
və 2.25-ci maddələri 2025-ci il martın 1-dən qüvvəyə minir.
İlham Əliyev
Azərbaycan Respublikasının Prezidenti
Bakı şəhəri, 27dekabr 2024-cü il
