Türkiyənin xarici işlər naziri Hakan Fidan, milli müdafiə naziri Yaşar Güler və Milli Kəşfiyyat Təşkilatının (MİT) sədri İbrahim Kalın Dəməşqdə keçid dövründə Suriya Prezidenti Əhməd Əş-Şaranın rəhbərliyi ilə bu ölkədən olan həmkarları ilə görüşüblər.

“ARHD.AZ” xəbər verir ki, bu barədə Türkiyənin Xarici İşlər Nazirliyi sosial şəbəkədə məlumat yayıb.

Qeyd olunub ki, görüşdə Əhməd Əş-Şaraa ilə yanaşı Suriyanın xarici işlər naziri Esad Hasan Şeybani, müdafiə naziri Murhef Ebu Kasra və Kəşfiyyat İdarəsinin rəhbəri Enes Hattab iştirak ediblər.

Tərəflərin hansı məsələləri müzakirə etdikləri açıqlanmayıb.

Türkiyənin xarici işlər naziri Hakan Fidan, milli müdafiə naziri Yaşar Gülər və Milli Kəşfiyyat İdarəsinin rəhbəri İbrahim Kalın Suriyanın paytaxtı Dəməşqə gediblər.

“ARHD.AZ” xəbər verir ki, bu barədə Türkiyənin “Anadolu” agentliyi məlumat yayıb.

Qeyd olunub ki, onlar Dəməşqdə bir sıra rəsmi görüşlər keçirəcəklər.

Məlumata görə, H.Fidan artıq Suriya Prezidenti Əhməd əş-Şara ilə görüşüb.