Bakı, 7 mart, ARHD.AZ
Bakı, Sumqayıt və Abşeron rayonu üzrə mart ayının pensiyaları qrafikdən əvvəl ödənilib
Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən Bakı, Sumqayıt şəhərləri və Abşeron rayonu üzrə mart ayının pensiyaları qrafikdən əvvəl ödənilib.
Bu barədə ARHD.AZ-a nazirliyin İctimaiyyətlə əlaqələr şöbəsindən məlumat verilib.
Respublikamızın digər bölgələri üzrə, habelə güzəştli şərtlərlə pensiya hüququna malik şəxslərin pensiyaları, bütün müavinət, təqaüd və ünvanlı dövlət sosial yardımları qarşıdan gələn bayramlarla əlaqədar bu ay qrafikdən əvvəl ödəniləcək.
