Bakı, 5 mart, ARHD.AZ

Mingəçevir Sənaye Parkında istehsal edilən məhsulun 84 faizdən çoxu ixrac olunub

İqtisadiyyat Nazirliyinin tabeliyində İqtisadi Zonaların İnkişafı Agentliyinin (İZİA) idarəçiliyində olan Mingəçevir Sənaye Parkında indiyədək 326 milyon manatlıq məhsul satışı həyata keçirilib ki, bunun da 84 faizdən çoxu, yəni 276,6 milyon manatlıq hissəsi ixrac edilib.

İZİA-dan ARHD.AZ-a bildirilib ki, sənaye parkında görülmüş işlərə ümumilikdə 159 milyon manat investisiya yatırılıb, 570 nəfər daimi işlə təmin edilib.

Qeyd edək ki, sənaye parkının əsas fəaliyyət istiqaməti tekstil və yüngül sənayenin inkişaf etdirilməsidir.