Bakı, 23 iyun, ARHD.AZ

Türkiyə turizm reytinqində dünyanın ilk dörd ölkəsi siyahısına daxil oldu

Türkiyə turizm reytinqində dünyanın ilk dörd ölkəsi siyahısına daxil olub. 2024-cü ildə qardaş ölkəyə 56,7 milyon xarici turist səfər edib.

ARHD.AZ xəbər verir ki, bu barədə respublikanın mədəniyyət və turizm naziri Mehmet Nuri Ersoy deyib.

“BMT-nin Dünya Turizm Təşkilatının 2025-ci ilin may ayı üçün dərc etdiyi Dünya Turizm Barometrinə görə, Türkiyə 2024-cü ildə 56,7 milyon xarici turist qəbul edərək dünyanın ən böyük turizm məkanına çevrilib”, - deyə nazir “X” sosial media şəbəkəsində bildirib.

Onun sözlərinə görə, Türkiyə əvvəlki il ilə müqayisədə bir pillə irəliləyərək 5-ci yerdən 4-cü yerə yüksəlməklə bu sahədə davamlı artım nümayiş etdirib.

“Bu böyük uğur tarixi irsimizin və mədəni sərvətimizin, güclü infrastrukturumuzun və dörd mövsümü əhatə edən turizm müxtəlifliyinin səmərəli təbliğinin nəticəsidir”, - deyə nazir qeyd edib.