Vaşinqton, 25 mart, ARHD.AZ
“Ukrayna ilə faydalı qazıntılar üzrə saziş tezliklə imzalanacaq”.
ARHD.AZ-ın məlumatına görə, bu sözləri ABŞ Prezidenti Donald Tramp kabinetlə görüşdən sonra jurnalistlərin suallarını cavablandırarkən deyib. O bildirib ki, görüşdə xəzinədarlıq katibi Skot Bessent sazişin tamamlanmaq üzrə olduğunu deyib.
Sazişin ötən ay Ukrayna Prezidenti Volodimir Zelenskinin ABŞ-a səfəri zamanı imzalanacağı planlaşdırılırdı. Lakin Prezident Donald Tramp və vitse-prezident Ceyms Devid Vans ilə gərgin görüşündən sonra imzalanma təxirə düşüb.
