Astana, 20 fevral, ARHD.AZ

Astanada Xəzər dənizində hərbi fəaliyyət sahəsində etimad tədbirlərinə dair saziş layihəsi müzakirə edilib

Astanada Xəzəryanı dövlət nümayəndələrinin iştirakı ilə Xəzər dənizində hərbi fəaliyyət sahəsində etimad tədbirlərinə dair saziş layihəsi üzrə danışıqların dördüncü mərhələsi keçirilib.

ARHD.AZ Qazaxıstanın Müdafiə Nazirliyinin mətbuat xidmətinə istinadla xəbər verir ki, sənəd Qazaxıstan tərəfindən hazırlanıb və 2018-ci il avqustun 12-də Mangistau əyalətinin Aktau şəhərində keçirilmiş Beşinci Xəzər Sammitinin yekunlarına dair Xəzəryanı ölkə rəhbərləri arasında əldə edilən razılaşmaların icrasına yönəlib.

Saziş layihəsi Xəzər dənizinin hüquqi statusu haqqında Konvensiyanın əsas prinsiplərinin həyata keçirilməsini nəzərdə tutur.