Bakı, 3 aprel, ARHD.AZ
Nazir: TAP vasitəsilə Avropaya 45 milyard kubmetrdən çox qaz tədarük edilib
Cənub Qaz Dəhlizi Məşvərət Şurası nazirlərin 11-ci iclası və Yaşıl Enerji Məşvərət Şurası nazirlərin 3-cü iclası çərçivəsində energetika naziri Pərviz Şahbazov Trans-Adriatik Boru Kəmərinin (TAP) icraçı direktoru Luka Skyepatti ilə görüşüb.
Nazirlikdən ARHD.AZ-a bildirilib ki, görüşdə etibarlı enerji təchizatında təbii qazın və infrastrukturların inkişafının əhəmiyyəti, TAP layihəsinin genişləndirilməsi prosesinin cari vəziyyəti nəzərdən keçirilib. Cənub Qaz Dəhlizinin, o cümlədən TAP-ın enerji təhlükəsizliyinin təminatında strateji rolu yüksək qiymətləndirilib. Bildirilib ki, TAP qaza olan tələbatın İtaliyada 15 faizini, Yunanıstanda isə 18 faizini təmin edir. İndiyə qədər Avropaya ümumilikdə 45 milyard kubmetrdən çox qaz təchiz edilib.
Söhbət zamanı 2026-cı ildən etibarən kəmərin 1,2 milyard kubmetr genişləndirilməsindən sonra növbəti nəzərdə tutulan addımlar, həmçinin metan emissiyalarının azaldılması ilə bağlı da müzakirələr aparılıb.
12:44
Energetika naziri Pərviz Şahbazov TAP-ın icraçı direktoru Luka Skyeppati ilə görüşüb.
ARHD.AZ xəbər verir ki, bu barədə energetika naziri Pərviz Şahbazov məlumat verib.
“TAP-ın icraçı direktoru Luka Skyeppati ilə sərfəli, etibarlı və dayanıqlı enerji təchizatında Cənub Qaz Dəhlizinin strateji rolu, TAP boru kəmərinin genişləndirilməsi, eləcə də metan emissiyalarının azaldılması məsələlərini müzakirə etdik. İndiyə qədər TAP vasitəsilə Avropaya 45 milyard kubmetrdən çox qaz tədarük edilib”,- deyə nazir qeyd edib.
