ABŞ Prezidenti Donald Tramp Çin Xalq Respublikasının (ÇXR) Sədri Si Cinpinlə Cənubi Koreyada nəzərdə tutulan görüşündə Ukrayna münaqişəsinin nizamlanması məsələlərini müzakirə edəcəyini bildirib.

ARHD.AZ  xəbər verir ki, bu barədə TASS agentliyi məlumat yayıb.

"Müzakirə edəcəyimiz mövzulardan biri Rusiya və Ukrayna olacaq", - deyə o bildirib.

Trampın sözlərinə görə, o, Çinin Rusiya ilə bağlı ABŞ-yə kömək etməsini istərdi. Ağ Ev rəhbəri fikirlərinə aydınlıq gətirərək bildirib ki, ABŞ Administrasiyası Moskvaya qarşı irimiqyaslı sanksiyalar tətbiq edib və Vaşinqton bu məsələdə Çin tərəfinin köməyinə ümid bəsləyir.