Bakı, 4 aprel, ARHD.AZ
Cənubi Koreyanın aparıcı müxalif “Toburo” partiyasının sədri və növbədənkənar prezident seçkilərində ehtimal olunan namizəd dövlət başçısının impiçmentini faciə adlandırıb.
ARHD.AZ Yonhap agentliyinə istinadla xəbər verir ki, Li Çje Mön, ilk növbədə, “demokratik respublikanın dəyərlərini müdafiə edən həmvətənlərinə” təşəkkür edib, eyni zamanda, impiçmenti qaçınılması vacib olan faciə adlandırıb.
“Tariximizdə artıq ikinci dəfə baş verən impiçment faciədir və bir daha təkrarlanmamalıdır. Siyasi sahədə hər kəs, o cümlədən mən bu barədə ciddi düşünməli və məsuliyyət hiss etməliyik”, - deyə müxalifətin lideri bildirib.
Bu gün Koreya Respublikasının Konstitusiya Məhkəməsi yekdilliklə prezident Yun Sok Yolu hakimiyyətdən kənarlaşdırıb.
Bundan öncə 2017-ci ildə Cənubi Koreyanın dövlət başçısı Pak Kın He də impiçmentə məruz qalmışdı. 2004-cü ildə isə Konstitusiya Məhkəməsi Ho Mu Hönün prezident səlahiyyətlərini bərpa etmişdi.
Qeyd edək ki, Li Çje Mön 60 gün ərzində keçiriləcək prezident seçkilərində qələbəyə ən real siyasətçi hesab olunur. O, 2022-ci il seçkilərində Yun Sok Yola bir faizdən az səslə uduzmuşdu.
