Ukrayna Estoniyaya Kiyevin Tallinndən alacağına bel bağladığı 100 milyon avro dəyərində hərbi məhsulların siyahısını verib.
ARHD.AZ xəbər verir ki, bu barədə ERR məlumat yayıb.
Bildirilib ki, Ukraynanın seçdiyi məhsullar nazirlik tərəfindən təcili olaraq Estoniyanın müdafiə şirkətlərinə sifariş veriləcək. Siyahıya Estoniyada istehsal olunan yerüstü və hava dronları, su nəqliyyat vasitələri və tibbi avadanlıq daxildir.
2024-cü ilin iyun ayında Estoniya və Ukrayna 10 illik ikitərəfli təhlükəsizlik sazişi imzalayıblar. Sənədə əsasən, Tallinn 2024-2027-ci illər ərzində hər il ÜDM-in azı 0,25 %-ni Kiyevə hərbi yardım olaraq ayıracaq.
