Qahirə, 7 mart, ARHD.AZ

İraq hökuməti ölkədə ən böyük günəş elektrik stansiyasını tikir

İraq hökuməti “Bəsrə Günəşi” layihəsinin həyata keçirilməsinə başlandığını elan edib.

ARHD.AZ İraq xəbər agentliyinə istinadla bildirir ki, bu, ölkədə ən böyük Günəş elektrik enerjisi stansiyası olacaq.

İraqın Elektrik Enerjisi Nazirliyinin bildirdiyinə görə, layihə “Total Energy” şirkəti ilə əməkdaşlıq çərçivəsində həyata keçirilir və Bəsrə səhrasının 9 min hektar ərazisində inşa olunur.

Layihə çərçivəsində dörd generatorla əlaqələndirilmiş təxminən iki milyon günəş panelinin quraşdırılması planlaşdırılır. Hər generatorda 250 meqavat olmaqla, ümumilikdə 1000 meqavat yaşıl elektrik enerjisinin istehsalı nəzərdə tutulur.