Ankara, 13 may, ARHD.AZ

Azərbaycanın Ankaradakı səfirliyinin təhsil məsələləri üzrə müşaviri Nəcibə Nəsibova Türkiyənin şərq vilayətlərinə səfəri çərçivəsində Qars və Ardahan universitetlərində olub, azərbaycanlı tələbə və müəllimlərlə görüşüb.

ARHD.AZ xəbər verir ki, Ardahan Universitetində keçirilən görüşdə universitetin prorektoru professor Zafer Akyanat da iştirak edib.

Nəcibə Nəsibova azərbaycanlı tələbələrin tədris prosesi ilə maraqlanıb, onları düşündürən sualları cavablandırıb. Görüş zamanı iki qardaş ölkə arasında akademik sahədə əməkdaşlıq perspektivlərinə dair fikir mübadiləsi aparılıb.

Müşaviri həmçinin Qars vilayətinə də baş çəkib. Burada Qafqaz Universitetinin azərbaycanlı müəllim və tələbələri ilə görüş keçirilib. N.Nəsibovanı universitetin rektoru professor Hüsnü Kapu qəbul edib.