Bakı, 17 aprel, ARHD.AZ
Bu ilin ilk rübündə ARDNF dövlət büdcəsinə 3,6 milyard manat transfert edib
Cari ilin yanvar-mart ayları ərzində Azərbaycan Respublikası Dövlət Neft Fondunun (ARDNF) vəsaitinin idarə olunmasından əldə edilən gəlir 232 milyon manat olub.
ARHD.AZ xəbər verir ki, bu barədə ARDNF-in 2025-ci ilin yanvar-mart ayları üzrə gəlir və xərclərinə dair məlumatında bildirilib.
Valyuta məzənnələrinin dəyişməsindən yaranan fərq ilə bağlı ARDNF-in büdcədənkənar gəliri hesabat dövrü üzrə 4 milyard 999 milyon manat təşkil edib.
Hesabat dövrü ərzində ARDNF-in 2025-ci il büdcəsinin icrası çərçivəsində 3 milyard 620,3 milyon manat vəsait dövlət büdcəsinə transfert edilib.
Qeyd olunan dövrdə “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”nın maliyyələşməsinə 1,1 milyon manat, “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı”nın maliyyələşməsinə isə 14,9 milyon manat yönəldilib.
Sözügedən dövrdə ARDNF-in idarə edilməsi ilə bağlı xərcləri 7 milyon manat təşkil edib.
