Naxçıvan, 3 aprel, ARHD.AZ

Cari ilin mart ayı ərzində Naxçıvan Muxtar Respublikası Dövlət Energetika Xidmətinin istismar sahəsində olan elektrik stansiyalarında 29 milyon 525 min 626 kilovat-saat elektrik enerjisi istehsal edilib.

Dövlət Energetika Xidmətinin mətbuat xidmətindən ARHD.AZ-ın bölgə müxbirinə bildirilib ki, ötən ilin müvafiq dövrü ilə müqayisədə ümumi elektrik enerjisi istehsalında istilik elektrik stansiyalarının payı 14,5 faiz azalıb, su elektrik stansiyalarının payı 8,9 faiz, günəş elektrik stansiyalarının payı 5,5 faiz artıb.

Alternativ və bərpaolunan enerji mənbələrindən 15 milyon 596 min 247 kilovat-saat elektrik enerjisi istehsal edilib ki, bu göstərici ümumi enerjinin 52,8 faizini təşkil edir.