Azərbaycan cüdoçuları Latviyanın paytaxtı Riqada keçirilən Avropa Cüdo Ümidləri Turnirində dörd medal qazanıblar.

ARHD.AZ  xəbər verir ki, bu barədə Azərbaycan Cüdo Federasiyası məlumat yayıb.

Bildirilib ki, Avropa Cüdo Birliyinin təşkilatçılığı ilə baş tutan beynəlxalq yarışda Azərbaycan cüdoçuları iki qızıl, bir gümüş və bir bürünc medal əldə ediblər.

Fəxrim Məhərrəmov (U-13, -46 kq) və Fərhad Quliyev (U-15, -60 kq) bütün rəqiblərinə qalib gələrək qızıl medal qazanıblar.

Səccət Tağıyev (U-15, -42 kq) gümüş, Cahid Bayramlı (U-15, -66 kq) isə bürünc mükafata sahib çıxıblar.

Qeyd edək ki, turnirdə 20 ölkədən 289 cüdoçu mübarizə aparıb.