Bakı, 10 mart, ARHD.AZ
Ötən il Dövlət reyestrində 185 patent qeydiyyata alınıb
2024-cü ildə Dövlət reyestrində 185 patent (2023-cü ildə 151 patent), o cümlədən ixtiralara dair 128 (2023-cü ildə 103), faydalı modelə aid 43 (2023-cü ildə 36) və sənaye nümunələrinə aid 14 (2023-cü ildə 12) qeydiyyata alınıb.
ARHD.AZ xəbər verir ki, bu barədə məlumat Əqli Mülkiyyət Agentliyinin hesabatında yer alıb. Bildirilib ki, hesabat ilində qeydiyyata alınmış ixtira patentlərinin 97-si milli, 31-i isə xarici hüquqi (2023-cü ildə milli hüquq sahiblərinin sayı 87 və xarici hüquq sahiblərinin sayı 16 olub) şəxslərə aid olub.
Patent fəallığı 2023-cü illə müqayisədə 22 faiz artıb.
