Azərbaycan Prezidenti İlham Əliyev İsveçrə Konfederasiyasının Prezidenti Qi Parmölənə başsağlığı məktubu ünvanlayıb.
ARHD.AZ xəbər verir ki, məktubda deyilir:
“Hörmətli cənab Prezident.
Kran-Montanada baş vermiş yanğın nəticəsində çox sayda insanın həlak olması barədə xəbər bizi olduqca kədərləndirdi.
Bu faciə ilə əlaqədar Sizə, həlak olanların ailələrinə və yaxınlarına, bütün İsveçrə xalqına öz adımdan və Azərbaycan xalqı adından dərin hüznlə başsağlığı verir, xəsarət alanlara şəfa diləyirəm”.
Xatırladaq ki, yanvarın 1-də Alp dağlarındakı Kran-Montana xizək kurortunda yerləşən “Le Constellation” adlı barda güclü partlayış və yanğın baş verib. Hadisə nəticəsində təxminən 40 nəfər həlak olub, 115 nəfər isə xəsarət alıb.
