Bakı, 19 fevral, ARHD.AZ
Puan Maharani: Növbəti 25 il Asiya əsrini reallaşdırmaq üçün həlledici dövr olacaq
Bu gün böyük bir qeyri-müəyyənlik dövründəyik, o cümlədən beynəlxalq münasibətlərdə ciddi nəticələrə və uğursuzluqlara səbəb olan dövrdə yaşayırıq. Çoxsaylı imkanlar və çətinliklərlə qeyd olunan bütün irəliləyişlərə, nailiyyətlərə baxmayaraq, dünya hələ də çoxsaylı böhranlarla üzləşir. Böyük güc rəqabəti, müharibələr, təbii fəlakətlər buna nümunə ola bilər. Növbəti 25 il Asiya əsrini reallaşdırmaq, dinc bir Asiya yaratmaq üçün həlledici dövr olacaq.
ARHD.AZ xəbər verir ki, bunu İndoneziya Nümayəndələr Palatasının sədri xanım Puan Maharani Bakıda keçirilən Asiya Parlament Assambleyasının (APA) 15-ci plenar sessiyasında çıxışı zamanı söyləyib.
"Hazırkı dövr dünyanın çoxqütblülüyünün artması ilə xarakterizə olunur. Çoxqütblülük bütün ölkələr üçün daha həlledici fürsət verməlidir. Amma, eyni zamanda, bu, qeyri-sabitliyə də səbəb ola bilər. Böyük qeyri-müəyyənliyi azaltmaq üçün beynəlxalq hüquqa əsaslanan daha güclü çoxtərəfli yanaşmaya da ehtiyacımız var", - deyə Puan Maharani diqqətə çatdırıb.
