Bakı, 10 mart, ARHD.AZ
Ciu-citsunun Nevaza növü üzrə Respublika Çempionatı və Assosiasiya Kuboku keçirilib
Qobustan Olimpiya İdman Kompleksində ciu-citsu üzrə Respublika çempionatı və Assosiasiya kuboku keçirilib.
Yapon Döyüş Növləri və Mədəniyyəti Assosiasiyasından ARHD.AZ-a verilən məlumata görə, yarışda 200-ə yaxın idmançı qüvvəsini sınayıb. Beynəlxalq Ciu-citsu federasiyası tərəfindən təyin olunan çəki dərəcələri və bütün yaş qrupları üzrə baş tutan mübarizədə ilk 3 yeri tutan idmançılar fəxri kürsüyə yüksəliblər. Qaliblərə müvafiq olaraq, qızıl, gümüş, bürünc medallar, həmçinin diplomlar və hədiyyələr təqdim olunub. Nəticələrə əsasən, ölkəmizi beynəlxalq yarışlarda təmsil edəcək yığma komandanın tərkibi formalaşdırılıb.
Yarışın bu dəfə paytaxtdan kənarda keçirilməsinin məqsədi regionlarda idmanın inkişafına və sağlam ruhlu gənclərin yetişməsini təmin etməkdir.