Bakı, 28 fevral, ARHD.AZ
Azərbaycan idmançıları dünya çempionatında 4 medal qazanıblar
Koreş idman növü üzrə Azərbaycan millisinin üzvləri Hindistanın paytaxtı Dehli şəhərində keçirilən dünya çempionatında uğurla çıxış ediblər.
Gənclər və İdman Nazirliyinin mətbuat xidmətindən ARHD.AZ-a verilən məlumata görə, kişilər arasında Eyvaz Baxşiyev (60 kiloqram), Hacalı Qasımov (74 kiloqram) və Abdulla Abdullayev (82 kiloqram) bürünc medal qazanıblar.
Qadınların mübarizəsində isə Şəhanə Alməmmədova (70 kiloqram) fəxri kürsünün üçüncü pilləsinə qalxıb.
