Tovuz, 11 mart, Vüsalə Cənnətova, ARHD.AZ Tovuzda "Konstitusiya və Suverenlik İli"nə həsr olunmuş "Hüquqi dövlət quruculuğunda Ulu Öndər Heydər Əliyevin rolu" mövzusunda konfrans keçirilib.

ARHD.AZ-ın bölgə müxbirinin verdiyi məlumata görə, tədbir Tovuz rayon İcra Hakimiyyətinin və Qazax-Tovuz Regional Mədəniyyət İdarəsinin birgə təşkilatçılığı ilə reallaşıb.

Çıxış edənlər Ümummilli Lider Heydər Əliyevin Azərbaycan rəhbərliyinə qayıdışı ilə başlıca qayəsini müstəqillik, azərbaycançılıq, dövlətçilik, ədalətlilik, demokratiya, milli tərəqqi, dünyəvilik kimi ümumbəşəri dəyərlər təşkil edən yeni bir ideologiyanın əsasının qoyulduğunu bildiriblər. Müstəqil Azərbaycanın banisi, Ulu Öndər Heydər Əliyevin qurduğu hüquqi dövlətçilik ənənələri və müstəqil siyasət xəttinin Prezident İlham Əliyev tərəfindən uğurla davam etdirildiyi diqqətə çatdırılıb.

Dövlətimizin başçısının 28 dekabr 2024-cü il tarixli Sərəncamı ilə 2025-ci ilin ölkəmizdə “Konstitusiya və Suverenlik İli” elan olunmasının müasir Azərbaycan dövlətçiliyinin inkişafında mühüm əhəmiyyət kəsb edən bir hadisə olduğu vurğulanıb. Bildirilib ki, bu qərar hüquqi dövlətçilik və suverenlik dəyərlərinin möhkəmləndirilməsi baxımından xüsusi əhəmiyyətə malikdir. Sonra tədbirin mövzusuna aid videoçarxa və kitab sərgisinə baxış keçirilib.