ARHD.AZ İnformasiya Agentliyinin Baş redaktoru Nuranə Gülər agentliyin əməkdaşlarına xüsusi jilet və baş geyimlərini təqdim edib. Bildirilib ki, vahid iş geyimi jurnalistlərin fəaliyyət zamanı tanınmasını, təhlükəsizliyini və peşəkar görünüşünü təmin etmək məqsədi daşıyır.

Eyni zamanda, ARHD.AZ İnformasiya Agentliyinin rəhbəri, beynəlxalq hüquq eksperti, hüquq üzrə fəlsəfə doktoru İsmayıl Zalovun təşəbbüsü ilə bu iş geyimləri agentliyin xaricdə fəaliyyət göstərən nümayəndəliklərinə də göndərilib. Sözügedən geyimlər Amerika, Fransa, Almaniya, Rusiya, Türkiyə və İsraildə olan nümayəndəliklərə yola salınıb.

Qeyd olunub ki, bu addım agentliyin beynəlxalq səviyyədə vahid korporativ kimliyinin möhkəmləndirilməsinə xidmət edir.