“İran ABŞ-ni vura biləcək raketlər hazırlayır”.

“ARHD.AZ” xarici mətbuata istinadən xəbər verir ki, bu iddianı ABŞ Prezidenti Donald Tramp Konqresə müraciətində səsləndirib. 

“Onlar artıq Avropaya və xaricdəki bazalarımıza təhdid yarada biləcək raketlər hazırlayıblar, indi isə Birləşmiş Ştatlara çata biləcək raketlərin yaradılması üzərində işləyirlər. Biz buna yol verə bilmərik”, - dövlət başçısı bildirib. 

Bununla belə, ABŞ lideri növbəti dəfə İranla bağlı problemi diplomatik yolla həll etmək istədiyini vurğulayıb: “Biz danışıqlar aparırıq. Onlar sövdələşmə əldə etmək istəyirlər, lakin onlardan hələ də “Nüvə silahımız olmayacaq” sözlərini eşitməmişik”. 

Tramp güc tətbiq etmək istəmədiyini, lakin İranın nüvə silahı əldə etməsinə də yol verməyəcəyini bəyan edib: “Biz sövdələşmə əldə etmək istəyirik. Lakin bir şeyi dəqiq demək olar: mən heç vaxt dünyada terrorun əsas sponsoruna nüvə silahına sahib olmağa icazə verməyəcəyəm. Bu olmayacaq!”.