Bakı, 24 iyun, ARHD.AZ

Təl-Əviv: İran atəşkəs rejimini pozarsa, cavabını alacaq

İsrail İran tərəfindən atəşkəs rejiminin pozulmasına qətiyyətlə cavab verəcək.

ARHD.AZ xəbər verir ki, bu barədə İsrail Baş nazirinin ofisinin bəyanatında deyilir.

“Təl-Əviv atəşkəsin pozulmasına qətiyyətlə cavab verəcək. İsrail vətəndaşları atəşkəs rejiminə tam əməl olunana qədər Arxa Cəbhə Komandanlığının təlimatlarına əməl etməlidir”, - deyə rəsmi bəyanatda bildirilir.

Xatırladaq ki, iyunun 24-nə keçən gecə ABŞ Prezidenti Donald Tramp İsrail və İranın 12 günlük müharibənin rəsmi sonuna çevrilməli olan atəşkəs rejimi barədə razılığa gəldiklərini bəyan edib.

İranın xarici işlər naziri Abbas Ərağçinin sözlərinə görə, İsrail yerli vaxtla səhər saat 04:00-dan gec olmayaraq “təcavüzü” dayandırarsa, Tehran yəhudi dövlətinə zərbə endirməyəcək. O vaxtdan bəri hər iki tərəfdən yeni hücumlar barədə məlumat verilmir