Bakı, 17 fevral, ARHD.AZ

Məcburi dövlət sosial sığorta haqları üzrə daxilolmalarda 11 faiz artım qeydə alınıb

Yanvar ayında məcburi dövlət sosial sığorta haqları üzrə daxilolmalarda proqnoza nisbətdə 44,2 milyon manat və ya 11,1 faiz artım qeydə alınıb.

Bu barədə ARHD.AZ-a Dövlət Sosial Müdafiə Fondunun (DSMF) mətbuat xidmətindən məlumat verilib. Bildirilib ki, büdcə təşkilatları üzrə daxilolma ötən ilin müvafiq dövrü ilə müqayisədə 9,8 milyon manat və ya 8,7 faiz, qeyri-büdcə təşkilatları üzrə isə 35,9 milyon manat və ya 12,6 faiz artıb.