Bakı, 13 fevral, ARHD.AZ
Dövriyyədə olan müəyyən dövlət istiqrazlarının geri alınması ilə bağlı hərrac keçiriləcək
Maliyyə Nazirliyi (emitent) tərəfindən daxili maliyyə bazarında Bakı Fond Birjasının ticarət platforması vasitəsilə yerləşdirilmiş AZ0201040208, AZ0201040240, AZ0201040265 və AZ0201040323 İSİN kodlu dövlət istiqrazlarının Buraxılış Şərtlərinin 3.2-ci bəndinə əsasən fevralın 25-də vaxtından əvvəl geri alınması üzrə Bakı Fond Birjasında hərracın keçirilməsi nəzərdə tutulur.
Maliyyə Nazirliyindən ARHD.AZ -a bildirilib ki, bununla əlaqədar yuxarıda sözügedən dövlət istiqrazlarının vaxtından əvvəl emitentə geri satılmasında maraqlı olan mülkiyyətçilərdən bu prosesin həyata keçirilməsi məqsədilə emitentin anderrayterinə və Bakı Fond Birjasına müraciət etmələri xahiş olunur.
