Bakı, 10 fevral, ARHD.AZ

2024-cü ildə bələdiyyələrin yerli büdcə gəlirləri əvvəlki illə müqayisədə 18,6 faiz artıb. Bələdiyyə torpaqlarından qanuni və səmərəli istifadə büdcə gəlirlərinin artımına müsbət təsir göstərib.

ARHD.AZ xəbər verir ki, bu, Milli Məclisin Regional məsələlər komitəsinin fevralın 10-da keçirilən iclasında müzakirəyə çıxarılan “Bələdiyyələrin fəaliyyətinə inzibati nəzarəti həyata keçirən orqanın illik məruzəsi”ndə əksini tapıb.

Bildirilib ki, il ərzində 295 maarifləndirmə tədbiri keçirilib, 8912 bələdiyyə üzvü və qulluqçusu iştirak edib. 248 seminar və 30 onlayn təlim kursu təşkil olunub.