Azərbaycan Respublikası Fövqəladə Hallar Nazirliyi
Azərbaycan Respublikası Fövqəladə Hallar Nazirliyi (FHN) ölkənin təhlükəsizliyini və vətəndaşların rifahını qorumaq məqsədilə fəaliyyət göstərən əsas dövlət qurumlarından biridir. FHN fövqəladə halların qarşısının alınması, onların nəticələrinin aradan qaldırılması və əhali arasında maarifləndirmə işlərinin aparılması üzrə mühüm missiyanı yerinə yetirir.
Fövqəladə Hallar Nazirliyi 16 dekabr 2005-ci ildə Azərbaycan Respublikasının Prezidenti cənab İlham Əliyevin fərmanı ilə yaradılmışdır. Nazirliyin əsas funksiyalarına fövqəladə halların idarə olunması, xilasetmə əməliyyatlarının təşkili, yanğın təhlükəsizliyinin təmin edilməsi və sənaye təhlükəsizliyinə nəzarət daxildir.
FHN geniş spektrli fəaliyyət istiqamətlərinə malikdir. Bunlara
- Təbii və texnogen fövqəladə halların qarşısının alınması və aradan qaldırılması;
- Mülki müdafiə tədbirlərinin həyata keçirilməsi;
- Xilasetmə əməliyyatlarının təşkil edilməsi;
- Yanğın təhlükəsizliyi sisteminin qurulması və nəzarəti;
- Sənaye və tikinti təhlükəsizliyinin təmin edilməsi;
- Əhalinin fövqəladə hallarla bağlı maarifləndirilməsi, daxildir.
FHN yarandığı gündən etibarən ölkə daxilində və beynəlxalq arenada bir çox uğurlara imza atmışdır. Nazirlik beynəlxalq təşkilatlarla sıx əməkdaşlıq edir, müxtəlif ölkələrin müvafiq qurumları ilə təcrübə mübadiləsi aparır və beynəlxalq humanitar əməliyyatlarda iştirak edir.
Azərbaycan Respublikası Fövqəladə Hallar Nazirliyi ölkənin təhlükəsizliyini təmin edən əsas qurumlardan biri olaraq, öz fəaliyyətini yüksək peşəkarlıqla davam etdirir. Nazirliyin həyata keçirdiyi tədbirlər sayəsində fövqəladə halların qarşısının alınması və nəticələrinin aradan qaldırılması daha effektiv şəkildə həyata keçirilir. Əhalinin təhlükəsizliyinin təmin edilməsi istiqamətində FHN-in rolu danılmazdır.
Azərbaycanın dövlət idarəetmə sistemində mühüm rol oynayan və fövqəladə halların idarə olunmasında əvəzsiz xidmətləri ilə tanınan Kəmaləddin Heydərov”un xüsusi rolunu vurğulamalıyıq. O, 2005-ci ildən etibarən Azərbaycan Respublikası Fövqəladə Hallar Nazirliyinə rəhbərlik edir və bu müddət ərzində nazirliyin müasir, çevik və effektiv bir quruma çevrilməsinə rəhbərlik edib.
Heydərovun rəhbərliyi altında FHN təkcə ölkə daxilində deyil, beynəlxalq arenada da nüfuzlu bir quruma çevrilmişdir. Onun uzaqgörən strategiyası nəticəsində fövqəladə hallara qarşı mübarizə sistemləri modernləşdirilmiş, xilasetmə əməliyyatları daha operativ və peşəkar səviyyəyə çatdırılmışdır.
Eyni zamanda ,Azərbaycan Respublikasının fövqəladə hallar naziri, general-polkovnik Kəmaləddin Heydərov əhalinin təhlükəsizliyinin təmin edilməsi, təbii fəlakətlər və texnogen qəzalar zamanı sürətli və effektiv müdaxilə mexanizmlərinin yaradılması istiqamətində böyük işlər görmüşdür. Onun rəhbərliyi ilə FHN yeni texnologiyalarla təchiz olunmuş, ixtisaslı kadrların hazırlanmasına xüsusi diqqət yetirilmişdir.
Bundan əlavə, Kəmaləddin Heydərov dövlətçiliyə sadiqliyi, rəhbərlik etdiyi qurumun strateji əhəmiyyətini artırmaq üçün yorulmaz fəaliyyəti və ölkənin təhlükəsizliyinə verdiyi töhfələrlə fərqlənir. O, təkcə peşəkar rəhbər kimi deyil, həm də yüksək insani keyfiyyətləri ilə tanınır, hər zaman vətəndaşların təhlükəsizliyini və rifahını ön planda tutur.
Onun fəaliyyəti nəticəsində Fövqəladə Hallar Nazirliyi Azərbaycanın ən güclü və mütəşəkkil dövlət qurumlarından birinə çevrilmiş, fövqəladə halların qarşısının alınması və onların nəticələrinin aradan qaldırılması istiqamətində mühüm nailiyyətlər əldə olunmuşdur.
