Bakı, 8 fevral, ARHD.AZ
Şolts: ABŞ tariflər tətbiq edərsə, Avropa Komissiyası cavab verəcək
ABŞ Prezidenti Donald Tramp Avropa İttifaqına (Aİ) qarşı rüsumlar tətbiq etmək qərarına gələrsə, Avropa Komissiyası bir neçə saat ərzində reaksiya verəcək.
ARHD.AZ xəbər verir ki, bu barədə fevralın 8-də Almaniya kansleri Olaf Şolts bildirib.
“Mən qarşıdurmaya deyil, əməkdaşlığa arxalanıram. Tariflər heç kimə sərfəli olmadığı üçün əlimizi uzadırıq. Əgər ABŞ belə addımlar atsa, Avropa Komissiyası bir neçə saat ərzində cavab verə biləcək”, - “Redaktions Netzwerk Deutschland” (RND) media qrupu onun sözlərindən sitat gətirib.
Onun sözlərinə görə, qloballaşma sənayesi inkişaf etmiş, ixracyönümlü ölkə kimi Almaniya üçün sərfəlidir və bu vəziyyət davam etməlidir. Eyni zamanda, Almaniya kansleri 450 milyon əhalisi olan Avropa İttifaqının güclü və “fəaliyyətə qadir” olduğuna diqqət çəkib.
