İstanbul, 31 yanvar, Günel Karatepe, ARHD.AZ
Türkiyə və Rusiyanın xarici işlər nazirləri Hakan Fidan ilə Sergey Lavrov arasında telefon danışığı olub.
ARHD.AZ xəbər verir ki, bu barədə Türkiyənin Xarici İşlər Nazirliyi məlumat yayıb.
Bildirilib ki, danışıq zamanı regional məsələlər, eləcə də Suriyadakı son vəziyyət müzakirə edilib. Hər iki ölkənin Suriyanın siyasi birliyinə verdiyi dəstək vurğulanıb.
Həmsöhbətlər Suriyadakı siyasi keçid dövrünün əhatəli olmasının önəmini qeyd ediblər.
